Липидограмма - ағзаның май алмасуындағы ауытқуларды анықтауға мүмкіндік береді, бұл атеросклероздың диагностикасы үшін үлкен маңызы бар.                           1) Холестерин (жалпы холестерин) - ағзаға тамақпен бірге түсетін, сондай-ақ бауыр жасушалары синтездейтін негізгі қан липиді. Жалпы холестерин мөлшері липидтер (май) алмасуының маңызды көрсеткіштерінің бірі болып табылады және атеросклероздың даму қаупін жанама түрде көрсетеді.                                                           2) Төмен тығыздықтағы липопротеиндер (ТТЛП) — липидтердің ең атерогенді, "зиянды" фракцияларының бірі. ТТЛП холестиринді, оны кідіртіп, атеросклеротикалық түйіндерді түзе отырып, тамыр жасушаларына тасымалдайды.                                     Жоғары тығыздықтағы липопротеиндер (ЖТЛП) — тамырларда атеросклеротикалық түйіндердің түзілуіне жол бермейтін липидтердің жалғыз фракциясы (сондықтан жоғары тығыздықтағы липопротеидтерді "жақсы" холестерин деп те атайды). ЖТЛП-нің антиатерогендік әсері холестеринді бауырға тасымалдау қабілетіне байланысты, онда ол жойылады және шығарылады.                                                                                                             4) триглицеридтер - бұл қан плазмасындағы бейтарап майлар.                                                             5) Атерогендік коэффициент (атерогендік индекс) — липидтердің атерогенді ("зиянды", тамыр қабырғаларында жиналатын) және антиатерогенді фракцияларының арақатынасын сипаттайтын көрсеткіш. 6) ЕТТЛП бауырда липидтер мен аполипопротеиндерден түзіледі. ЕТТЛП негізгі қызметі эндогендік триглицеридтерді бауырдан перифериялық тіндерге тасымалдау болып табылады, бірақ бұл бөлшектер ТТЛП негізгі бастамашысы болып табылады.