ПТР әдісімен гонорея қоздырғышының ДНҚ-сын сапалы анықтау.                                                                                    Гонорея "гонококк" немесе Neisseria gonorrhoeae деп аталатын микроағзаларды тудырады. Ауру жыныстық жолмен таралады. Жұқтыру жұқпаланған серіктеспен қорғалмаған жыныстық қатынасқа түсу нәтижесінде пайда болады, алайда, кейде қоздырғыштың берілуі тұрмыстық (жеке гигиена құралдары арқылы: сүлгілер, губкалар және т.б.) жолмен жүруі мүмкін, сондай-ақ тік жолмен - босану кезінде жұқпаланған анадан балаға беріледі.  Әйелдерде инфекцияның белгілері: қынаптан бөлінетін бөлінулер (сары немесе сарғыш-ақ түсті), зәр шығару кезінде ауырсыну, етеккіраралық кезеңде қан кету, іштің төменгі бөлігіндегі, шаттағы ауырсыну, күю сезімі, жыныс мүшелерінің, қынаптың сыртқы аймағында қышу. Ер адамдарда соз әдетте үрпіден бөлінетін бөлінулермен, зәр шығару кезінде өткір ауырсынумен, үрпінің сыртқы саңылауында ісіну мен гиперемиямен көрінеді. Инфекция кезінде бөлінулер өте аз болуы мүмкін. Инфекцияның ұзақ ағымы кезінде зәр шығару жүйесінің жоғарғы бөлігінің зақымдануы дамиды: қуық, бүйрек, сондай – ақ репродуктивті жүйесі (простата, аталық бездер – ерлерде, әйелдерде – жатыр, жатыр түтіктері, аналық бездер).