ПТР әдісімен зәрдегі Кандида (Candida albicans) ДНҚ-ны сапалы анықтау .                                                             Кандидоз - көбінесе Candida albicans тектес ашытқы тәрізді саңырауқұлақтардан туындаған ауру. Аз мөлшерде бұл саңырауқұлақтар сау адамдарда ауыз қуысында, қынапта, асқазан-ішек жолында кездеседі. Иммунитет бұзылған, дәрі-дәрмектердің әсері, күйіктер, хирургиялық араласулар болған кезде, онкологиялық науқастарда олар бірқатар аурулардың - жаңа туған нәрестелердің пневмониясы, стоматит, іріңді аурулардың себебі болуы мүмкін. Кандидоздың ең көп таралған түрлерінің бірі - зәр-жынысты болып табылады. Әйелдерде кандидоз (молочница) жыныс мүшелерінде жану сезімі және қышу, сүзбелі бөлінділер, зәр шығару кезінде ауырсынулар түрінде көрінеді. Ерлерде - қышу және жану сезімі түрінде, жыныс мүшесінің басындағы және шеткі тәндегі ақ өңез, зәр шығару кезінде ауырсынулар. Ауыз қуысының кандидозы жаңа туылған нәрестелерде жиі кездеседі. АИТВ-инфекциясы кезінде кандидоз ерекше маңызға ие, ол ЖИТС-маркерлік инфекциялар қатарына кіреді. АИТВ-мен ауыратын науқастардың 90%-ы белгілі бір кезеңде кандидозбен ауырады.