Тиротропты гормон, немесе ТТГ, тиреотропин, тиротропин (ағылш. thyrotropine, TSH, thyroid stimulating hormone) — гипофиз алдыңғы үлесінің тропты гормоны. Химиялық құрылымы бойынша тиротропин гликопротеид гормоны болып табылады. Тиротропин рецепторлары қалқанша безінің эпителий жасушаларының бетінде орналасқан.  Тиреотропин, қалқанша безіндегі ТТГ спецификалық рецепторларына әсер ете отырып, тироксинді өндіруді және белсендіруді ынталандырады. Ол аденилатциклазаны белсендіреді және без жасушаларының йод тұтынуын арттырады. САМР деңгейінің одан әрі артуы ТТГ-нің маңызды өсу гормондары болып табылатын трийодтирониннің (Т3) және тироксиннің (Т4) биосинтезіне әсерін анықтайды. Сонымен қатар, тиреотропин анықталуы бірнеше күнді талап ететін, ұзақ уақытқа созылатын әсерлерді тудырады: ақуыздар, нуклеин қышқылдары, фосфолипидтер синтезінің артуы, тиреоидты жасушалардың саны мен мөлшерінің артуы. Қанда бос T4 және ТТГ концентрациясы арасында кері байланыс тәуелділігі бар. ТТГ-ға перифериялық рецепторларына әсер ететін тиреотропин сонымен қатар перифериялық тіндердің селенге тәуелді монодейодиназасының белсенділігін және тіндік рецепторлардың тиреоидты гормондарға сезімталдығын арттырады, осылайша тіндерді тиреоидты гормондардың әсеріне" дайындайтындай" секілді.