Липидограмма - ағзаның май алмасуындағы ауытқуларды анықтауға мүмкіндік береді, бұл атеросклероздың диагностикасы үшін үлкен маңызы бар.                                                                    1) Холестерин (жалпы холестерин) - ағзаға тамақпен бірге түсетін, сондай-ақ бауыр жасушалары синтездейтін негізгі қан липиді. Холестерин мөлшері липидті (май) алмасуының маңызды көрсеткіші болып табылады және атеросклероздың даму қаупін жанама түрде көрсетеді.                                                           2) Төмен тығыздықтағы липопротеиндер (ТТЛП) — липидтердің ең атерогенді, "зиянды" фракцияларының бірі. ТТЛП холестеринге өте бай, олар атеросклеротикалық бляшкалар түзе отырып, тамырлы жасушаларда кідіреді.                                    3) Жоғары тығыздықтағы липопротеидтер (ЖТЛП) — тамырларда атеросклеротикалық бляшкалардың пайда болуына жол бермейтін липидтердің жалғыз фракциясы. ЖТЛП-нің антиатерогендік әсері холестеринді бауырға тасымалдау қабілетіне байланысты, онда ол жойылады және шығарылады.                                                                                    4) Триглицеридтер - бұл қан плазмасынының құрамындағы бейтарап майлар болып табылады.                                                          5) Атерогендік коэффициент (атерогендік индекс) — липидтердің атерогенді ("зиянды", тамыр қабырғаларында жиналатын) және антиатерогенді фракцияларының арақатынасын сипаттайтын көрсеткіш.