Цитология - клиникалық цитологияда жиі кездесетін зерттеу түрлерінің бірі. Биопсиялық материалды цитологиялық зерттеу үшін әр түрлі локализациядағы ісіктерден, ісік алды, ісік тәрізді түзілімдерден алынған пунктаттар/аспираттар/тампондар қолданылады: қалқанша без, ұрық бездері, аналық бездер, лимфа түйіндері, сүт бездерінің түзілімдері, жұмсақ тіндер, тері және т. б.   МАҢЫЗДЫ! Осы зерттеу үшін биоматериалды алу, пациенттің емдеуші дәрігерімен жүргізіледі. Қабылдау пункттерінде биоматериал алынбайды.   Препараттарды дайындауға қойылатын жалпы талаптар: 1. Препараттарға арналған шынылар таза, майсыз және құрғақ түрінде қолданылады. 2. Цитологиялық зерттеуге арналған материал шынға біркелкі жұқа қабатпен жағылады. 3. Шыныдағы материал ауада 20 минут мұқият кептіріледі, шыны таңбаланады, жеке полиэтилен пакетке салынады. 4. Цитологиялық зерттеуге жіберілген материалды бөліктерге бөлуге және әртүрлі зертханаларға жіберуге болмайды, өйткені сипаттамалық өзгерістер материалдың бір бөлігінде болуы мүмкін және екіншісінде болмауы мүмкін. 5. Зерттеуді орындау үшін міндетті шарт Жолдаманың толық толтырылуы болып табылады.