Описторхилар. Бұл талдау описторхис антигендеріне қандағы IgG антиденелерінің бар болуын және деңгейін анықтауға мүмкіндік береді. Қандағы (титр) описторхис антигендеріне антиденелер - описторхоз ауруын тудыратын гельминттермен (құрттармен) жұқтырылу көрсеткіші болып табылады. Көбінесе қоздырғыштар бауыр сорғыштары, мысық және сібір екіауыздылары болып табылады. Бұл өте ұсақ паразиттер. Адам мен сүтқоректілердің жұқтырылуы - гельминт личинкаларымен жұқтырылған тұқы тұқымдас шикі, жеткіліксіз қуырылған балықтарын жеген кезде пайда болады. Ауру бауырдың, өт қабының зақымдалуымен жүреді. Токсокарлар Бұл талдау қан мен қызамық вирусына IgG антиденелерінің деңгейін анықтауға мүмкіндік береді. Қандағы токсокар антигендеріне антиденелер - адамның токсокароз ауруын тудыратын гельминттермен (құрттармен) жұқтырылудың көрсеткіші.  Токсокароз - бұл әдетте иттерде, қасқырларда, түлкілерде және басқа да төбет тұқымдастарда паразиттенетін Toxocara canis нематодынан туындаған инфекция. Берілу факторы - токсокар жұмыртқаларымен ластанған топырақ болып табылады. Адамның ішектерінде жұмыртқалардан личинкалар пайда болады, олар ішек қабырғасына еніп, бауырға, өкпеге және одан әрі басқа мүшелерге көшіп, оларға зақым келтіреді. Токсокароздың тұрақты симптомы жоғары эозинофилия болып табылады. Трихинеллалар. Бұл талдау трихинелл антигендеріне қандағы IgG антиденелерінің бар болуын және деңгейін анықтауға мүмкіндік береді. Қандағы трихинелл антигендеріне антиденелер - адамның трихинеллез ауруын тудыратын гельминттермен (құрттармен) жұқтырылу көрсеткіші. Трихинеллез, трихинелла тұқымдасының дөңгелек нематод құрттары тудыратын адамдар мен жануарлардың құрттар инвазиясы. Адамның жұқтырылуы құрамында трихинеллалардың инкапсулаланған личинкалары бар шошқа етін, аю етін, қабанды немесе басқа жабайы жануарларды жеген кезде пайда болады.  Эхинококк Бұл талдау эхинококк антигендеріне қандағы IgG антиденелерінің бар болуын және деңгейін анықтауға мүмкіндік береді. Қандағы эхинококк IgG антигендеріне антиденелер - адамның эхинококкпен жұқтырылуының көрсеткіші болып табылады. Ауру негізінен бауыр мен өкпені зақымдайды. Эхинококк - бұл таспа құрттарының тұқымына жататын паразит. Көптеген жануарлардың ішектерінде - иттерде, қасқырларда, шиебөрілерде және т. б. паразиттенеді. Эхинококк паразиті, аралық иелердің ағзасына енетін (адам, ірі қара мал, қой, ешкі, жылқы, шошқа) қоршаған ортаға өз личинкаларын шығарады. Адамның эхинококкпен жұқтырылуы көбінесе иттерден болады. Эхинококк жұмыртқалары жүнде немесе жануардың тілінде орналасқан. Жұқтырылу паразиттің онкосфералары орналасқан лас жемістер, көкөністер, жидектер арқылы пайда болуы мүмкін.