Бауыр – адам ағзасының өмірлік маңызды мүшесі.

Бұл – ағзаға түсетін уыттарды, артық майларды және басқа да зиянды заттарды зиянсыздандыру жұмысы үздіксіз жүретін нағыз биохимиялық зертхана.

Бауыр 500-ден астам қызмет атқарады және оның ішінде минутына шамамен 20 миллионға жуық химиялық реакциялар жүреді. Сондықтан бауыр қызметінің аздаған бұзылыстарының өзі бүкіл ағзаға әсер етеді.

Бауырдың басты қызметтерінің бірі – тазарту қызметі. Ағзаға сырттан түсетін немесе ағзаның тіршілік әрекетінде түзілетін бөгде заттардың шамамен 95%-ы дәл осы ағза арқылы залалсыздандырылады. Алайда бізді уыттардан қорғай отырып, бауырдың өзі де зақымдануға ұшырайды – зиянды заттар оның жасушаларына кері әсерін тигізіп, қызметінің бұзылуына негізгі себеп болады.

Бауыр сынамалары бауыр ауруларын диагностикалау мен бақылау үшін маңызды, сондай-ақ гепатоуытты дәрілерді қолдану кезінде немесе профилактикалық тексерулерде бауыр жағдайын бағалауда қолданылады.

Біз бауырдың қызметін анықтау үшін зертханалық зерттеулер кешенін ұсынамыз.

Талдауды келесі көрсеткіштер бойынша тапсыру ұсынылады:

• Гемолитикалық анемиялар.
• Бауыр аурулары. Жедел және созылмалы гепатиттер. Гепатоздар.
• Холестаз. Бауыр мен өт шығару жолдарының обструктивті аурулары.
• Әртүрлі этиологиялы сарғаюдың дифференциалды диагностикасы.
• Вирустық және уытты гепатиттер кезінде бауыр тінінің зақымдануын анықтау, гепатоуытты дәрілерді қабылдау кезінде.
• Дәрілік препараттардың гепатоуыттылығын бағалау.
• Бауыр ауруларын емдеудің тиімділігін бақылау.
• Созылмалы гепатиттің ағым динамикасын бақылау.
• Сарғаюсыз гепатит түрлерін диагностикалау.
• Ұйқы безі обыры, простата обыры, гепатоманың ағымын мониторинг жасау.
• Созылмалы алкоголизммен ауыратын адамдарды емдеуді бақылау.
• Алкоголизмге скрининг жүргізу.
• Ротор және Дабин-Джонсон синдромдары.

Дайындық ережелері:

• Қанды таңертең (сағат 8–11 аралығы) қатаң ашқарынға тапсыру ұсынылады (кемінде 12 және ең көп дегенде 14 сағат ашығу қажет, су ішуге болады).
• Алдыңғы күні артық тамақтанудан аулақ болу.
• Майлы, тәтті және ақуызды тағамдарды көп мөлшерде тұтынбау ұсынылады.
• Алдыңғы күні күйзеліс пен шамадан тыс физикалық жүктемеден, спорттық белсенділіктен аулақ болу қажет.
• Емшектегі балалар қанды тамақтан кейін 1,5–2 сағаттан соң тапсырады. Егер бала су ішсе – талдау алдында 20–30 минут бұрын су беру ұсынылады.
• Қанды етеккір кезінде және одан кейін бірден тапсыра бермеу ұсынылады.
• Көптеген дәрілік препараттар қанның ұю жүйесіне әсер етеді. Мысалы, алғашқы буындағы оральді контрацептивтер тромб түзілу қаупін арттырады, ал антикоагулянттар – қан кетулерге әкелуі мүмкін.

Кез келген медикаментозды терапия қабылдап жүрген жағдайда зерттеу нәтижесіне ықтимал әсерін ескеру үшін емдеуші дәрігермен алдын ала кеңесу қажет.