№7 ағаш аллергендерінің панелі (зәйтүн, тал, ақ қарағай, эвкалипт, қараған, шай ағашы) Ағаш тозаңының аллергендері (зәйтүн, тал, ақ қарағай, эвкалипт, қараған, шай ағашы) өте ұзақ қашықтықта желмен таралатын тозаң аллергендеріне жатады. Шырышты қабықтарға түскен кезде, ағаш тозаңының аллергендері бұған бейім адамдарда аллергиялық аурулардың дамуына ықпал етеді (мысалы, бронх демікпесі немесе аллергиялық риноконьюнктивит). Ағаш тозаң аллергендері тозаң аллергиясының (поллиноз) жиі кездесетін себептерінің бірі болып саналады. IgE класының антиденелері жедел типтегі реакцияларды тудырады, оларда симптомдар аллергенмен байланысқаннан кейін бірден дамиды (бірнеше минуттан 2 сағатқа дейін). Аллергендердің (өсімдік тозаңының ақуыздары, микроскопиялық саңырауқұлақтар, жануарлар эпителийі, дәрі - дәрмектер, азық-түлік) адам ағзасына енуіне жауап ретінде антиденелер шығарылады - Е класындағы иммуноглобулиндер (IgE), олар шырлы жасушаларда - көптеген биологиялық белсенді заттар бар тіндердің жасушаларында (гистамин, тирамин, серотонин және т.б.) бекітіледі. Аллергеннің ағзаға қайта енуі оның шырлы жасушаларға бекітілген дайын тұрған антиденелерге (IgE) қосылуымен бірге жүреді. Нәтижесінде шырлы жасушалардың жарылуы және олардан биологиялық белсенді заттардың шығарылуы орын алады. Бұл заттар ұлпалар мен мүшелерге әсер етеді, олардың зақымдануын тудырады, бұл әртүрлі аллергиялық реакциялар түрінде көрінеді. Талдау иммунталдау әдісімен ағаш тозаңының (сұр қандыағаш, қайың, жаңғақша, емен, тал) қоспасының аллергендеріне ерекше IgЕ антиденелерінің бар болуын анықтайды. Талдау ағзаның осы аллергенге жоғары сезімталдығын анықтауға мүмкіндік береді.