Сәбидің дүниеге келуін күту – әрбір ата-ана үшін ең қуанышты әрі толқытатын сәт. Бұл кезеңде көптеген сұрақтар мен қиындықтар туындайды, себебі жүктілік әйел ағзасында және өсіп келе жатқан ұрықта елеулі өзгерістермен қатар жүреді. Осы өзгерістердің барлығына қарамастан, болашақ ананың денсаулығын сақтауы және жүктілікті жүргізетін дәрігердің барлық ұсынымдары мен тағайындауларын орындауы өте маңызды. Сәбидің денсаулығына қамқорлық жүктілікті жоспарлау сәтінен басталуы тиіс. Жүктілікті жоспарлау кезінде болашақ ата-аналардың уақтылы тексеруден өтуі, сондай-ақ әйел мен ұрықтың бүкіл жүктілік бойы бақылауда болуы – дені сау баланың дүниеге келуінің негізгі алғышарттарының бірі.