Бос трийодтиронин (бос Тз, Free Triiodthyronine, FT3) - плазма ақуыздарымен байланысы жоқ, биологиялық тұрғыдан қолжетімді трийодтиронин. Трийодтиронин қалқанша безінің жасушаларымен шығарылады, сонымен қатар перифериялық тіндердің дейодин белсенділігі нәтижесінде T4-тен түзіледі. Бос Т3 концентрациясы қандағы гормонның жалпы құрамының шамамен 0,25% құрайды.  Бос Тэ деңгейі тиреоид гормондардың жалпы метаболикалық әсерінің маңызды сипаттамасы болып табылады. ТТГ (тиреотропты гормондардың) бақылауындағы, қалқанша безінің фолликулярлық жасушаларымен шығарылады. Перифериялық тіндерде T4 дейодтау кезінде түзіледі. Бос Т3 - 0,2-0,5% құрай отырып, жалпы Т3-тің белсенді бөлігі болып табылады. Т3 Т4-ке қарағанда белсенді болып келеді, бірақ қанда аз концентрацияда кездеседі. Мидың, көкбауырдың және аталық бездің тіндерін қоспағанда, дененің барлық тіндерінің жылу өндірісі мен оттегін тұтынуын арттырады. Бауырдағы А дәруменінің синтезін ынталандырады. Қандағы холестерин мен триглицеридтердің концентрациясын төмендетеді, ақуыз алмасуын тездетеді. Зәрде кальций экскрециясын арттырады, сүйек тінінің алмасуын , бірақ көп жағдайларда сүйектің резорбциясын белсендіреді. Жүрекке оң хроно - және инотропты әсері бар. Орталық жүйке жүйесіндегі ретикулярлық формацияны және қыртыс процестерді ынталандырады.