Ересектерге арналған қарапайым скринингке арнайы жасалған.

Жалпы қабыну реакцияларын бағалауға арналған зерттеулер кешені, оған жалпы кеңейтілген қан талдауы (ЖҚТ) мен эритроциттердің тұну жылдамдығын (ЭТЖ) анықтау кіреді. Бұл зерттеу баланың және жасөспірімнің жалпы жағдайына әсер ететін бұзылыстарды анықтау үшін жүргізіледі.

Жалпы қан талдауы (ЖҚТ).
Қанның сапалық және сандық құрамын кеңейтілген зерттеу:

• Эритроциттер мен гемоглобин – анемияның бар-жоғын көрсетеді;
• Лейкоциттер мен лейкоцитарлық формула – вирустық, бактериялық немесе паразиттік жүктемені анықтауға мүмкіндік береді;
• Тромбоциттер – қанның ұю жүйесі мен сүйек кемігі қызметінің бұзылысын көрсетуі мүмкін.

Эритроциттердің тұну жылдамдығы (ЭТЖ).
Жұқпалы-қабыну, аутоиммундық және кейбір ісік ауруларында иммуноглобулин секілді ақуыздар мөлшері артып, эритроциттердің мембраналық заряды төмендейді. Бұл олардың бір-біріне жабысып, тұну жылдамдығының жоғарылауына әкеледі. ЭТЖ созылмалы қабыну барысын көрсетеді.

Қабыну кезінде организмдегі темір қорының гемопоэз (эритроцит түзілуі) үшін пайдаланылуы төмендейді.
Анемия келесі жағдайларда кездеседі: асқазан-ішек жолындағы ойық жаралар мен полиптер, созылмалы бүйрек ауруы, онкологиялық, жұқпалы, паразиттік аурулар, ревматоидты артрит және т.б.

Ферритин – темірдің негізгі қоры болып табылады, ол анемияның клиникалық белгілері мен гемоглобин, эритроцит деңгейінің төмендеуіне дейін, ерте кезеңде-ақ темір тапшылығын көрсетеді.
В9 және В12 дәрумендерінің тапшылығы (мысалы, асқазан-ішек жолдарының сіңіру бұзылыстары салдарынан) анемияның себебі болуы мүмкін.
Анемия кезінде жасушалар, тіндер мен ағзалар оттегі жетіспеушілігіне ұшырайды, бұл қабыну барысын күшейтіп, «жабық шеңбер» тудырады.

«Күн» дәрумені D теріде күн сәулесінің әсерінен түзіледі және прогормон болып табылады. Ол кальций мен фосфордың сіңірілуін қамтамасыз етіп, сүйек тінін қалыптастыруға және тірек-қимыл жүйесінің қызметін сақтауға көмектеседі. Прогормон D иммундық жүйені нығайтуға, жүрек-қантамыр жүйесінің жұмысына, алмасу процестеріне қатысып, көптеген аурулардың даму қаупін азайтады.

Глюкоза – қандағы маңызды биохимиялық көрсеткіш, оның төмендеуі немесе жоғарылауы ауыр асқынуларға әкелуі мүмкін.
Қандағы глюкозаны анықтау 1 және 2 типті қант диабетін, бауыр мен эндокриндік жүйе ауруларын диагностикалау мақсатында, сондай-ақ профилактикалық тексеріс кезінде және ауруханаға жатқызар алдында жүргізіледі.

Көрсетілімдер:

• Иммунитеттің төмендеуі, жиі суық тию, вирустық және басқа жұқпалы аурулар (жиі ауыратын балалар);
• Жұқпалы ауруларды (вирустық, бактериялық) анықтау;
• Созылмалы қабыну процестері мен аурулар;
• Анемияны ажырату диагностикасы;
• Организмдегі темір қорын бағалау;
• Антибактериялық емнің тиімділігін бақылау;
• Созылмалы ауруларды диагностикалау және ем тиімділігін бақылау;
• Операциядан кейінгі жұқпалы асқынуларды анықтау;
• Асқазан-ішек жолы ауруларында (темір сіңірілуінің бұзылысы);
• Созылмалы бүйрек, бүйрекүсті безі, ұйқы безі ауруларында;
• Жақын туыстарында қант диабеті болған жағдайда;
• Ісіктер немесе ісікке күдік болғанда.

Дайындық:
Қанды таңертең ашқарынға, соңғы тамақтан кейін 8–12 сағат өткен соң тапсыру ұсынылады.
Физикалық және эмоциялық күш түсуге жол бермеу, зерттеу алдында 30 минут бойы шылым шекпеу керек. Тек таза газсыз су ішуге болады.
(Дәрігермен келісе отырып) құрамында темір бар препараттарды зерттеу алдында 72 сағат бұрын қабылдауды тоқтату қажет.
1 жасқа дейінгі балаларға – қан алудан 30–40 минут бұрын, 1–5 жастағыларға – 2–3 сағат бұрын тамақ бермеу керек.
Зерттеу алдындағы күні кофе, қою шай, алкоголь сияқты сусындарды қабылдаудан аулақ болу қажет.

Нәтижелерді түсіндіру:
ЭТЖ созылмалы қабынуды көрсетеді.

• ЭТЖ 20–50 мм/сағ аралығында болса – вирустық инфекция ықтималдығы жоғары;

ЭТЖ 50 мм/сағ жоғары болса – бактериялық инфекция болуы мүмкін.