Қымбатты қыздар мен әйелдер! Өз денсаулығыңызға қамқор болыңыздар!

Гормондық теңгерімсіздік әртүрлі себептерден пайда болуы мүмкін: күйзеліс, иммунитеттің бұзылыстары, созылмалы аурулар мен вирустық инфекциялар, гормондық препараттарды ұзақ уақыт қабылдау және тіпті ұйқының жетіспеушілігі.
Қан тапсыру қажет жағдайлар: етеккір циклінің бұзылыстары, көп мөлшердегі етеккір немесе ауырсынумен өтуі, ұрықтану мәселелері. Сонымен қатар, тері жағдайының нашарлауы — безеу, бөртпе, либидоның төмендеуі де талдаудан өтуге себеп болып табылады. Көрсеткіштердің динамикасын бақылау үшін талдауды бірдей жағдайларда: сол зертханада және тәуліктің сол уақытында тапсыру ұсынылады.

Прогестерон. Әйелдерге тән ерекше гормон. Аналық бездерде, бүйрек үсті бездерінің қыртысында, жүктілік кезінде сары денеде және плацентада түзіледі. Негізгі қызметі — етеккір циклін реттеу, эндометрийді ұрық жасушасының бекінуіне дайындау және жүктілікті сақтау.Назар аударыңыз!
Бұл кешенді зерттеуге прогестерон кірмейді, оны бөлек тапсыру қажет, өйткені талдау кезінде етеккір циклі күні ескерілуі тиіс.Етеккірі сақталған әйелдерге зерттеу, әдетте, циклдің 22–23-күні немесе дәрігердің шешімі бойынша жүргізіледі.

 

ФСГ (фолликулды ынталандырушы гормон). Гипофизде түзіледі, жұмыртқа жасушаларының түзілуі мен пісіп-жетілуіне ықпал етеді, фолликулдың дамуына әсер етеді. ФСГ деңгейінің ең жоғары шегіне жетуі овуляцияға алып келеді. Әйелдердің репродуктивті жүйесі патологияларын анықтауда маңызды талдау болып саналады.

ЛГ (лютеиндеуші гормон). Гипофизде түзіледі, прогестеронның бөлінуін ынталандырады, овуляцияны және сары дененің түзілуін қамтамасыз етеді. ЛГ деңгейінің жоғары болуы ерте менопаузаға, аналық бездердің гипофункциясына нұсқауы мүмкін.

Эстрадиол. Негізгі әйел гормондарының бірі, "сұлулық гормоны" деп аталады. Оның әсерінен екінші жыныстық белгілер қалыптасады, дене мүсіні нәзіктене түседі, жұмсақ дауыс, нәзік тері қалыптасады. Етеккір циклін реттеуге қатысады, сүйек тініндегі алмасу процестерін бақылайды, көңіл-күй мен либидоны қолдайды.

Тестостерон. Әйелдің репродуктивті денсаулығы үшін маңызды, аналық без фолликуласының қалыптасуына қатысады. Тестостерон деңгейінің жоғарылауы етеккір циклінің бұзылуына, бетте түк шығуына, безеу мен себореялық дерматитке әкелуі мүмкін.

Еркін тестостерон (андрогендік статус). Қандағы еркін тестостерон мөлшерін анықтау үшін қолданылады. Жалпы тестостероннан гөрі ақпараттық көрсеткіш.
ИСТ – андрогендік статустың маңызды маркері, ол еркін тестостерон мөлшері мен оның жасушаларға әсері жөнінде ең дәл мәлімет береді.

Пролактин. Гипофиздің алдыңғы бөлігіндегі лактотроф жасушаларында түзіледі. Репродуктивті жүйенің қалыпты жұмысын қамтамасыз етуде ерекше рөл атқарады. Пролактиннің жоғарылауы бедеуліктің жиі кездесетін себептерінің бірі болып табылады.
Макропролактин — пролактиннің жоғары деңгейі анықталғанда қосымша зерттеу ретінде жүргізіледі.

АМГ (антимюллерлік гормон). Әйелдердің аналық безінде түзіледі, тіндердің өсуі мен қалыптасуына, репродуктивті қызметіне ерекше әсер етеді. Фолликулдардың жетілуі мен овуляцияға таңдалуына қатысады. Оның түзілуіндегі бұзылыстар жүктіліктің басталуына немесе дамуына кедергі келтіруі мүмкін. АМГ жыныс бездерінің қызметінің көрсеткіші болып табылады, эмбрион кезеңінде жыныстық дифференциацияны қамтамасыз етеді.

Дайындық:

• Кез келген жедел ауру немесе өткір күйзеліс кезінде талдау тапсыруға болмайды.
• Зерттеуге дейін 72 сағат ішінде қарқынды спорттық жаттығуларды алып тастау.
• 48 сағат ішінде стероидты гормондарды (эстрогендер, андрогендер) қабылдамау.
• 24 сағат ішінде дәрі-дәрмек қабылдамау, майлы тағамнан, эмоционалдық жүктемеден, жыныстық қатынастан және қыздыру процедураларынан (сауна) бас тарту.
• Зерттеуге дейін 12 сағат бойы тамақ ішпеу, тек газсыз таза су ішуге болады.
• Зерттеуге дейін 3 сағат бойы темекі тартпау.
• Етеккір циклі сақталған әйелдерде талдау әдетте циклдің 6–7-ші күнінде жүргізіледі. Міндетті түрде цикл күнін көрсету қажет.

Назар аударыңыз! Макропролактин тесті пролактин деңгейі жоғары болғанда қосымша зерттеу ретінде жүргізіледі.

Маңызды! Бұл бөлімдегі ақпаратты өзін-өзі диагностикалау және өзін-өзі емдеу үшін пайдалануға болмайды. Диагноз қою және дұрыс ем тағайындау үшін дәрігерге жүгіну қажет.
Өз денсаулығыңызға қамқор болыңыз!