Сhlamydia trachomatis (хламидия трахоматис) - Chlamydia тектес грам-теріс бактериялардың төрт түрінің бірі болып табылатын облигатты жасушаішілік патоген. Chlamydia trachomatis инфекциясы жатыр мойнын, үрпі, жатыр түтіктерін, жатырды, аналық бездерді зақымдайды.  Хламидиоз - жыныстық жолмен берілетін ең көп таралған аурулардың бірі. Chlamydia trachomatis көптеген ауруларға жауап береді, соның ішінде цервицит (жатыр мойнының қабынуы), сальпингит (фаллопиялық түтіктердің қабынуы), эндометрит (жатырдың шырышты қабығының қабынуы), уретрит (уретраның қабынуы), конъюнктивит, пневмония; ерлерде - эпидидимит, простатит, Рейтер синдромы, бедеулік, тік ішектің стриктуралары. Гонореядан айырмашылығы, хламидий инфекциясы көп жағдайларда симптомсыз ағыммен жүреді. Кеш диагностика осымен байланысты, бұл патологияның асқынуына әкеледі. Сондықтан хламидиоз бедеуліктің жиі кездесетін себептерінің бірі болып табылады. Неонатальды инфекциялар (мысалы, конъюнктивит немесе пневмония) нәрестелерді босану жолдарынан өткен кезде жұқтырылумен туындайды. Босану кезінде жұқпалану ықтималдығы шамамен 50% құрайды. Chlamydia trachomatis-ке IgG антиденелері жұқпаланудан кейін 3-4 аптадан кейін шығарылады және ұзақ уақыт бойы қанда сақталады.  Бұл ерекше, жоғары белсенді антиденелер, бірақ олар хламидиозға қарсы тұрақты иммунитетті қамтамасыз етпейді. IgG бірнеше жылға, кейде тіпті өмір бойы сақталады. IgG титрі сауыққаннан кеін және процестің бәсеңдеуі кезінде азаяды, реактивация кезінде титр өсе бастайды, кейде төрт есеге артады. Бұл талдау Chlamydia trachomatis-ке IgG антиденелерінің деңгейін анықтауға мүмкіндік береді. Талдау созылмалы хламидиозды анықтауға көмектеседі.