Уреаплазма U ДНҚ-ны сапалы анықтау. ПТР әдісімен Urealyticum.                                      U. urealiticum Ureaplasma тұқымдасына жатады және зәр-жыныс мүшелерінің қабыну ауруларының дамуымен байланысты.  Жұқтыру көзі - уреплазмамен ауыратын науқас немесе уреаплазманы тасымалдаушы болып табылады. Инфекция жыныстық, тұрмыстық және тік жолмен беріледі (жұқтырылған анадан балаға жүктілік немесе босану кезінде). Жұқтырылу әрдайым ауруға әкеле бермейді, тек белгілі бір жағдайларда ғана, мысалы, иммун тапшылығы, қатар жүретін инфекциялар, жергілікті қорғаныс факторларының бұзылыстары кезінде. Инфекцияның көріністері әдетте әлсіз көрінеді, ол симптомсыз ағыммен жүруі мүмкін (көбінесе әйелдерде). Еркектерде уреаплазмалар гонококкты емес уретрит, цистит, простатит, аталық бездердің (орхиттің) және олардың қосалқыларының (эпидидимиттің) қабынуын тудырады. Уреаплазмалардың сперматозоидтарға қосылу қабілетіне байланысты инфекция ұрықтың құрамы мен сапасының бұзылуымен және бедеулікпен байланысты. Әйелдерде уреаплазмалар қынаптың (вагинит), жатыр мойнының (цервицит) қабынуын тудыруы мүмкін. Олардың жатыр (эндометритте) мен қосалқылардағы (аднекситте) қабыну өзгерістеріне қатысуы мүмкін, бұл жабысып қалулармен, жатырдан тыс жүктілікпен және бедеулікпен қауіп төндіреді. Уреаплазмалар кеш түсік тастауға, нәрестелердің құрсақішілік дамуының кешеуілдеуіне және олардың туу салмағының аз болуына ықпал етуі мүмкін.