Аполипопротеин А1 (апоА1): жоғары тығыздықтағы липопротеиндердің (ЖТЛП) негізгі ақуызы, ол ағзадан холестеринді шығаруға көмектеседі.
Аполипопротеин В (апоВ): төмен тығыздықтағы липопротеиндердің (ТТЛП) және басқа атерогенді бөлшектердің негізгі ақуызы, олар холестеринді жасушаларға тасымалдайды.
Аполипопротеиндердің А1 және В (апоА1/апоВ) арақатынасы қорғаныштық және "зиянды" холестерин арасындағы тепе-теңдікті және жүрек-қантамыр ауруларының қаупін көрсетеді. Бұл коэффициенттің жоғарылауы жүрек-қантамыр аурулары қаупінің артуын білдіреді.

Кімге және қашан зерттеу ұсынылады:

• Холестерин деңгейі қалыптан жоғары науқастарға;
• Қан тамырлары мен жүрек аурулары бар адамдарға;
• Зиянды тағамды жиі пайдаланғанда: фастфуд, майлы, мол тағам, алкоголь, шылым шегу;
• Артық салмақ, семіздік және қимыл аздығы (гиподинамия) кезінде;
• Тұқым қуалаушылық жүктемесі бар науқастарға;
• Эндокринологиялық және неврологиялық аурулары бар пациенттерге;
• Бауыр мен өт қабы аурулары кезінде (мысалы, өттас ауруы).

Зерттеуге дайындық:

Қан таңертең ашқарынға тапсырылады. Тамақты соңғы рет 12 сағат бұрын ішу керек.

• 5 жасқа дейінгі балаларға – 2–3 сағат бұрын,
• 1 жасқа дейінгі балаларға – 30–40 минут бұрын тамақ бермеу қажет.

Зерттеу алдында 30 минут бойы шылым шекпеу, физикалық және эмоционалды жүктемеден аулақ болу қажет. Тек таза газдалмаған су ішуге болады.

Интерпретация:

• Аполипопротеин А1 > 1.40
• Аполипопротеин В < 1

АпоВ/апоА1 қатынасы (дислипидемия индексі) әртүрлі тығыздықтағы липопротеиндердің арақатынасымен салыстырғанда жүрек-қантамыр асқынуларының қаупімен неғұрлым тығыз байланысты:

• 0,4–0,7 = төмен қауіп
• 0,7–0,9 = орташа қауіп
• > 0,9 = жоғары қауіп