Нуклеотидтердің құрамына кіретін пурин негіздері метаболизмінің соңғы өнімі болып табылады. Зәр қышқылының ағзадан шығарылуының арқасында, артық азот жойылады. Қан плазмасында зәр қышқылы натрий тұзы түрінде басымырақ кездеседі. Қандағы зәр қышқылының концентрациясы, зәр қышқылының синтезі процестерінің тепе-теңдігімен және оны бүйректермен шығарылуымен шартты. Дені сау адамдарда зәр қышқылының деңгейі тағамның құрамында пуриндердің мөлшері жоғары болған кезде аздап жоғарылауы мүмкін, ал төмен пуринді диета кезінде керісінше төмендеуі мүмкін. Пуринге бай тағамдарға - қызыл ет, бауыр, бүйрек, ми, тіл, бұршақ дақылдары жатады. Ер адамдарда зәр қышқылының деңгейі бала туу жасындағы әйелдерге қарағанда жоғары; балаларда ересектерге қарағанда төмен болып келеді. 60 жастан асқан ерлер мен әйелдерде көрсеткіш деңгейінде айырмашылықтар жоқ.